contacontos diario
Todos os días, na biblioteca do centro, hai un contacontos que dura entre cinco e dez minutos. Esta actividade, na que está implicada a maior parte do profesorado de primaria, vai dirixida aos máis pequenos e lles permite combinar varias actividades no seu tempo de lecer.
Se queredes visionar os horarios e as persoas responsables de cada día consultade o horario. O derradeiro día de cada semana, a mestra ou mestre correspondente invita a alguén da comunidade educativa para que conte o conto.
En canto ao alumnado de secundaria, todos os venres fanse lecturas, dramatizacións, recitados ou presentacións de textos literarios diversos nos que están a participar gran parte das rapazas e dos rapaces do centro.
O obxectivo fundamental destas actividades é promover o placer polos contos e pola lectura, competencia básica e indispensable na formación e educación das nenas e dos nenos.
Chúzao
del.icio.us